Qyzylordada kóshede qarý ustap júrgen turǵyn ustaldy

QYZYLORDA. QazAqparat - Qyzylorda oblysynda polıtseıler kósheden zańsyz qarý alyp júrgen turǵyndy ustady, dep habarlaıdy QazAqparat tilshisi.

Oblysta «Ýchaske» jedel profılaktıkalyq is-sharasy ótkizilýde. Atalǵan shara aıasynda Qazaly aýdandyq polıtsııa bóliminiń qyzmetkerleri Áıteke bı kentinde janarmaı quıý beketi tusynda qarý ustap kele jatqan 22 jastaǵy turǵyndy toqtatty.

«Tekserý barysynda turǵynnan ishki ister organdarynda tirkeýde joq 16 kalıbrli qos aýyz ańshy myltyǵy anyqtaldy. Anyqtalǵan derek boıynsha QR Ákimshilik quqyq buzýshylyq kodeksiniń 482-babynyń 1-bóligimen ákimshilik hattama rásimdelip, sotqa joldandy. Onda ishki ister organdarynda tirkelmegen tegis uńǵyly, gazdy qarý men olardyń patrondaryn saqtaý, alyp júrý, tasymaldaý jaǵdaıy kórsetilgen», - dep málim etti Qyzylorda oblystyq polıtsııa departametinen.

Eske salsaq, Qyzylorda oblysynda enesin urǵan kelin 30 táýlikke qamaldy.