Qyzylordada kóshe boıynda turǵan kólik janyp ketti
Tótenshe oqıǵa qalanyń KBI aımaǵyndaǵy Eńbekshi kóshesinde boldy. «112» ortalyq nómirine túsken habarlamaǵa sáıkes Qyzylorda oblysy Tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamandary oqıǵa ornyna dereý jetti.
Órt sóndirýshiler óz qyzmetterine der kezinde kirisip ketti. Kólik órtenip jatqan aýmaq turǵyn úıge óte jaqyn ornalasqan. Sala mamandarynyń naqty is-qımylynyń nátıjesinde órttiń turǵyn úıge taralýyna jol berilgen joq. Kóshe boıynda ornalasqan elektr baǵany zaqymdaldy.
«Órt sóndirýge jeke quramnan 7 qyzmetker 1 birlik tehnıka jumyldyryldy. Órttiń shyǵý sebebi naqtylandy. Ol dánekerleý jumystary kezinde órt qaýipsizdigi erejelerin saqtamaýdan týyndaǵan. Qazirgi ýaqytta órttiń shyǵyny anyqtalýda», - dep málim etti Qyzylorda oblysy Tótenshe jaǵdaılar departamenti órt sóndirý jáne avarııalyq qutqarý jumystary qyzmeti.
Budan buryn Qyzylorda oblysynda jańadan salynyp jatqan ǵımarat opyrylyp qulady.