Qyzylordada qos ustaz jeńil avtokóliktiń ıeleri atandy
QYZYLORDA. 3 qazan. QazAqparat - Keshe Qyzylordada ustazdardyń kásibı merekesi erekshe atalyp ótildi.
Atap aıtqanda N. Bekejanov atyndaǵy drama teatrynda ótkizilgen aımaqtaǵy bilim berý qyzmetkerleriniń «Ustaz shákirtimen baqytty» atty saltanatty sharasynda oblystyń bilimdi de, bilikti hımııa jáne bıologııa pánderiniń 2 ustazy jeńil avtokóliktiń ıesi atandy.
Naqtyraq aıtqanda, bıylǵy jyly oblys ákiminiń bastamasy negizinde oblysta hımııa-bıologııa pánderi muǵalimderiniń arasynda olımpıada ótkizilgen bolatyn.
Ustazdar kúninen arnalǵan saltanatty sharada aımaq basshysy B. Qýandyqov atalmysh olımpıada qorytyndysy boıynsha 1 oryn ıegerine 500 000 teńge, 2 oryn ıegerlerine 300 000 teńge, 3 oryn ıegerlerine 200 000 teńge qarjylaı syılyq, sondaı-aq bas júlde ıegerleri - Qyzylorda qalalyq №6 orta mekteptiń bıologııa pániniń muǵalimi Lıýdmıla Fıdoseenkoǵa jáne №9 orta mekteptiń hımııa pániniń muǵalimi Vıktorııa Rıabovaǵa qos «Lada Granta» avtokóliginiń kiltin tapsyrdy.
Saltanatty shara barysynda oblys ákiminiń bilim berý salasy qyzmetkerleriniń jyl saıynǵy syılyǵyn taǵaıyndaýyna sáıkes 3 úzdik ustazǵa 1 000 000 teńge, 8 ustazǵa 200 000 teńge, 8 ustazǵa 150 000 teńge, 8 ustazǵa 100 000 teńge kóleminde syıaqy, sonymen qatar, bıylǵy jyly shetelge tájirıbe jınaqtaý úshin joldama berý qolǵa alynyp, 18 muǵalimge shetelge joldama berildi. Merekelik shara sońy kontserttik baǵdarlamaǵa ulasty.
