Qyzylordada koronavırýstyń ekinshi tolqynyna daıyndyq kúsheıtildi
Qazirgi tańda oblysta epıdemıologııalyq jaǵdaı turaqty əri medıtsınalyq mekemeler shtatyq rejımde jumys júrgizýde. Degenmen óńir jurtshylyǵy koronavırýstyń ekinshi tolqynyna daıyndyq barysyna óz deńgeıinde kóńil bólip otyr. Óńirde 21 ınfektsııalyq statsıonar qajet bolǵan jaǵdaıda jumysyn qaıta jalǵastyrady. Olardy 3200 tósekke deıin keńeıtýge múmkindik bar.
«Qarasha aıynda 200 tósektik modýldik ınfektsııalyq aýrýhananyń qurylysy aıaqtalady dep josparlanyp otyr. Demeýshilerdiń qoldaýymen oblystyq kópbeıindijəne Qazaly aýdanaralyq aýrýhanalarynda ottegi stantsııasyn salý mejelengen.
Atalǵan emdeý oryndarynda ortalyqtandyrylǵan ottegimen jabdyqtaýǵa arnalǵan qondyrǵylar ornatylady. Búgingi tańda oblystyq medıtsınalyq mekemelerde 244 jeldetkish, 9 PTR, 60 rentgen apparattary, 658 ottegi kontsentraty bar», - dedi oblys əkiminiń orynbasary Naýryzbaı Baıqadamov brıfıngte.
Búginde asa qajetti bolǵan dəri-dərmek túrleriniń 2 aılyq qory quryldy. Ol jóninen eshqandaı problema joq. Sondaı-aq, dəri-dərmek satyp alý úshin bıýdjetten 350 mln. teńge qarjy qaraldy.
«Qazan aıynda medıtsına salasyna 40 kólik keledi dep kútilýde. Kólikter qazan jəne qarasha aılarynda tolyqtaı jetkiziledi. Sonymen birge, 3500 medıtsınalyq qyzmetkerge arnalǵan kadrlyq rezerv jasaqtaldy», - dedi oblys əkiminiń orynbasary.
Ambýlatorııalyq-emhanalyq bólim mamandary kúz-qys mezgilderinde p andemııanyń jańa tolqynynyń paıda bolý yqtımaldyǵyn eskere otyryp, sozylmaly aýrýlary bar təýekel tobyndaǵy adamdar erekshe baqylaýǵa aldy.
Oblysta naýqastarǵa kómek jəne ambýlatorııalyq emhanalyq qyzmet kórsetetin 138 medıtsınalyq mobıldi top jumys isteıdi. Odan bólek maskalyq rejım, əleýmettik ara qashyqtyqty saqtaý, antıseptıkalyq dəri-dərmekterdiń bolýy sekildi sanıtarlyq epıdemologııalyq normalardy baqylaıtyn 24 monıtorıngtik top jumys júrgizedi.
Sondaı-aq, Qyzylordada 2023 jylǵa deıingi ekonomıkalyq damý jospary júzege asyrylýda.