Qyzylordada koronavırýsten jazylǵandar sany 17 adamǵa jetti

QYZYLORDA. QazAqparat - Qyzylorda oblysynda taǵy 11 adam koronavırýsten jazylyp shyqty, dep habarlaıdy QazAqparat tilshisi.

Olardyń 5-ýi Jańaqorǵan aýdanynan bolsa, 6-ýy Qyzylorda qalasynda turady. Osylaısha Qyzylorda oblysynda indetten jazylyp shyqqandardyń jalpy sany 17 adamǵa jetti.

«Búgin, 17 sáýirde olardan dárishanalyq taldaý alyndy. Zertteý teris nátıje berdi. Olardyń jaǵdaıy qanaǵattanarlyq dep baǵalandy. Jazylǵan azamattardyń barlyǵy 14 kún boıy úı jaǵdaıynda bolyp, aımaqtyq emhanalardyń baqylaýyna alynady», - dep málim etti Qyzylorda oblysynyń ákimdigi.

Esterińizge sala ketsek, Qyzylorda oblysynda búgingi kúnge deıin COVID-19 juqpaly indetine - 143 adam shaldyqqan.

Olardyń arasynan jazylyp shyqqany 17 adamǵa jetti.