Qyzylordada koronavırýspen kúreste kóz jumǵan dárigerlerge eskertkish qoıyldy
QYZYLORDA. QazAqparat - Qyzylordada koronavırýspen kúreste turǵyndar densaýlyǵyn saqtaý jolynda erlikpen kóz jumǵan dárigerlerge arnalǵan eskertkish boı kóterdi, dep habarlaıdy QazAqparat tilshisi.
Óńirde byltyr dúnıejúzin dúrbeleńge salǵan qaterli indetpen kúres barysynda 19 medıtsına mamany ómirden ótti. Sol bir qıyn kezeńde dárigerler san myńdaǵan adamǵa qol ushyn sozyp, olardyń ómirin saqtap qaldy. Sol izgilikti jolda indetti juqtyrý saldarynan ǵumyry erte úzilgen aq halatty jandar qashanda eldiń esinde máńgilikke saqtalady.
Qyzylorda medıtsınalyq joǵary kolledjiniń janynda boı kótergen eskertkishtiń ashylý saltanatyna jergilikti jurtshylyq kóp jınaldy. Atalǵan shara barysynda oblys ákiminiń orynbasary Baljan Shámenova aq halatty mamandyq ıeleriniń halyq densaýlyǵyn saqtaý jolynda ólsheýsiz eńbek sińirgenin atap ótti. Nátıjesinde óziniń mamandyǵyna adal dárigerlerdiń shıpaly qolynyń arqasynda óńirde aýrýshańdyq deńgeıi búginde birshama tómendep tur.
Sondaı-aq, jıyn barysynda sala ardagerleri Turǵanbaı Mahanov, Raıa Kózdenova halqymyz mundaı san túrli synnan ótkenin aıtty. Sol sátterde dárigerler árdaıym aldyńǵy shepten kórindi.
