Qyzylordada koronavırýsqa shaldyqqandar arasynda vaktsına alǵandar úlesi nebári 0,4%-dy quraıdy
Oblys boıynsha koronavırýs ınfektsııasyna qarsy ımmýndaý maqsatynda 106 ekpe kabıneti jumys isteıdi. Budan bólek, shalǵaıdaǵy eldi mekenderde, uıymdasqan ujymdarda, adamdar kóp jınalatyn jerlerde koronavırýs ınfektsııasyna qarsy vaktsınatsııalaý júrgiziledi.Atalǵan oryndarda arnaıy oqytylǵan medıtsınalyq personal halyqqa qyzmet kórsetiledi. Onda arnaıy tońazytqysh jabdyqtarymen jabdyqtalǵan 36 jyljymaly brıgadanyń jumysy uıymdastyrylǵan.
Oblys azamattaryn vaktsınatsııalaý «QazVac», «Sinovac», «Pfizer»
preparatarymen júrgizilýde.
«Qazirge deıin oblystaǵy tıisti kontıngenttiń 92,4%-y vaktsınalaýdyń 1-komponentimen qamtylsa, 86,8%-y vaktsınatsııalaýdyń tolyq kýrsynan ótken. «Pfizer» preparatynyń 1-komponentin tıisti kontıngenttiń 18,4% saldyrsa, 2-komponentin 10,2% alǵan. Oblys turǵyndary arasynda koronavırýs ınfektsııasyn juqtyrý derekteriniń basym kópshiligi ekpe almaǵan adamdar arasynda anyqtalyp otyr. Kerisinshe, vaktsına alǵan azamattar arasynda vırýsqa shaldyǵý derekteri óte tómen. Ol nebári 0,4%-dy quraıdy. Vaktsına alǵandar arasynda IVL apparattaryna, jan saqtaý bólimderine jatqyzý derekteri tym az. Bul vaktsınanyń vırýsqa qarsy tıimdiligin kórsetedi», Qyzylorda oblystyq sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaeva.
Eske salsaq, budan buryn Qyzylorda oblysy bas memlekettik sanıtarııalyq dárigeriniń qaýlysy shyqty.
