Qyzylordada koronavırýsqa shaldyqqan sońǵy 3 naýqas - Syrdarııa aýdanynyń turǵyndary

QYZYLORDA. QazAqparat - Memlekettik komıssııanyń shuǵyl shtaby Qyzylorda oblysynda «COVID-19» ınfektsııasyn juqtyrǵan sońǵy 3 adam týraly aqparat taratty, dep habarlaıdy QazAqparat.

Aýrý juqtyrǵandardyń úsheýi de Syrdarııa aýdanynda tirkeldi. Barlyǵy da koronavırýs ınfektsııasyn juqtyrǵan adammen qarym-qatynasta bolýyna baılanysty karantındik statsıonarǵa jatqyzylyp, zerthanalyq synama alynǵan. PTR dıagnostıkalyq zertteý qorytyndysymen COVID-19 dıagnozy naqtylandy.

Qazirgi tańda naýqastardyń jaǵdaıy birqalypty. Bekitilgen hattamaǵa sáıkes tıisti em júrgizilýde.

Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda.

Aýrý oshaqtarynda epıdzertteý jumystary, dezınfektsııalyq jumystar júrgizilip jatyr.

Aımaqta COVID-19 koronavırýs ınfektsııasyn juqtyrǵan 69 adam anyqtaldy, Qyzylorda qalasynda – 9, Jańaqorǵan aýdanynda – 16, Qarmaqshyda – 4, Shıelide – 35, Syrdarııa aýdanynda – 4, Aral aýdanynda – 1 adam .