Qyzylordada koronavırýsqa shaldyqqan naýqastardyń 96 paıyzy jazylyp shyqty
QYZYLORDA. QazAqparat - Qyzylorda oblysynda koronavırýsqa shaldyqqan naýqastardyń 96 paıyzy jazylyp shyqty, dep habarlaıdy QazAqparat tilshisi.
Qyzylorda oblysynda epıdemıologııalyq jaǵdaı turaqtanyp keledi. Óńir koronavırýs ahýalyn baǵalaý matrıtsasynda «jasyl» aımaqta tur.
Aıta keteıik, 2020 jyldan beri koronavırýs ınfektsııasyna 6 666 adam shaldyqqan. Olardyń arasynda Qyzylorda qalasynda - 3 942 naýqas anyqtalsa, aýdandar boıynsha Aralda - 249, Qazalyda - 322, Qarmaqshyda - 322, Jalaǵashta - 215, Syrdarııada - 414, Shıelide - 509, Jańaqorǵanda - 693 adam indet juqtyrǵan.
«Qazirgi deıin óńirde koronavırýs ınfektsııasynan 16 adam kóz jumǵan. Olardyń 9-y Qyzylorda qalasynda tirkelse, qalǵany aýdandardyń úlesine tıedi. Bıyl óńirde 3 274 adam koronavırýs ınfektsııasyn juqtyrǵan. Ótken táýlikte oblysta olardyń qataryna taǵy segiz adam qosylsa, 36 naýqas emdelip shyqty. Byltyrdan beri koronavırýsqa shaldyqqan adamdardyń 96% jazylyp shyqqan», - dep málim etti Qyzylorda oblystyq densaýlyq saqtaý basqarmasynan.
Eske salsaq, Qyzylorda oblysynda 90 myńnan astam adam koronavırýsqa qarsy vaktsına saldyrdy.
