Qyzylordada koronavırýsqa shaldyqqan naýqastardyń 95 paıyzy jazylyp shyqty
QYZYLORDA. QazAqparat - Qyzylorda oblysynda koronavırýsqa shaldyqqan naýqastardyń 95 paıyzy jazylyp shyqty, dep habarlaıdy QazAqparat tilshisi.
Ótken jyldan bastap 21 maýsymǵa deıin óńirde 6905 adam qaterli shaldyqqan. Olardyń arasynda 3542-i klınıkalyq belgisimen baıqalsa, 48,8 paıyzy sımptomsyz túrine dýshar boldy.
Koronavırýs ınfektsııasynyń 2 paıyzy syrttan tasymaldanǵany naqtylansa, 58 paıyzy skrınıngtik tekserý nátıjesinde anyqtaldy. Al 40 paıyzy qarym-qatynas arqyly juqtyrǵandar boldy. Búginde aýrýǵa shaldyqqan 6905 naýqastyń 95 paıyzy nemese 6560 adam tolyǵymen emdelip shyqqan.
Naýqastardyń 59 paıyzy Qyzylorda qalasynyń úlesine tıedi. Al aýdandar kesiminde joǵary kórsetkish Jańaqorǵan, Shıeli jáne Syrdarııa aýdandaryna tán. Naýqastardyń jas shamasy ártúrli. Olardyń qatarynda jańa týylǵan náreste men egde jasqa deıin azamattar kezdesti. Ásirese, naýqastar arasynda 20-69 jas aralyǵyndaǵy azamattar sany basym.
Departamenttiń málimetinshe, óńirde mamyr aıynan bastap koronavırýs ınfektsııasy boıynsha kórsetkishtiń tómendeý tendentsııasy baıqalǵan bolatyn. Degenmen keıingi 3-4 kúnde ol 15-25 derekke ósip otyr.
Eske salsaq, Qyzylorda oblysynda 120 myńnan astam adam koronavırýsqa qarsy egildi .
