Qyzylordada koronavırýsqa qarsy vaktsınanyń ekinshi dozasyn egý bastaldy

Aqpan aıynyń basynda óńirge «Spýtnık V» vaktsınasynyń 1 myń dozasy jetkizilip , ol jergilikti turǵyndarǵa egildi. Olardyń 939-y medıtsına qyzmetkeri bolsa, 61-i basqa da erikti túrde kelgen qala turǵyndary.

Búgin taǵy 1 myń doza oblysqa jetkizilip, budan buryn ekpe qabyldaǵan azamattarǵa araǵa úsh apta salyp, ekinshi márte dozany egý jumystary júrgizilýde.

Sala mamandarynyń aıtýynsha, bul jolǵy ekpe aldyńǵy vaktsınanyń áserin kúsheıtedi. Ári aǵzadaǵy qorǵanysh qabiletin arttyrady.

«Ózim erikti túrde aqpannyń birinde alǵashqylardyń biri bolyp ekpeni saldyrdym. 21 kún ýaqyt ótse de ekpeniń esh keri áserin baıqamadym. Sol sebepti búgin ekpeniń ekinshi kezeńinen óttim. Biz búkil eldi dúrliktirgen koronavırýs ınfektsııasyn turǵyndar saqtyq sharalaryn tolyq jasaǵanda ǵana jeńe alamyz. Al ekpeniń bul rette paıdasy zor. Sondyqtan qazir halyq arasynda vaktsınalaýdyń mańyzy týraly túsindirý jumystaryn júrgizip jatyrmyz. Bul jumystar aldaǵy ýaqytta da jalǵasa bermek», - dedi oblystyq densaýlyq saqtaý basqarmasynyń basshysy Sábıt Pazılov.

Aıta keteıik, «Spýtnık V» reseılik vaktsınasynyń ekinshi dozasy qalalyq №1-shi, №3-shi jáne №6-shy emhanalarda júrgiziledi.