Qyzylordada koronavırýs juqtyrýdyń antırekordtyq kórsetkishi tirkeldi
QYZYLORDA. QazAqparat - Qyzylorda oblysynda koronavırýs juqtyrýdyń antırekordtyq kórsetkishi tirkeldi, dep habarlaıdy QazAqparat tilshisi.
Óńirde ótken jyldan beri búgingi kúnge deıin 7977 adam koronavırýs juqtyrdy. Keıingi ýaqytta oblystaǵy epıdahýal kúnnen kúnge kúrdelenip barady. Ótken táýlikte 110 adam qateri indet quryǵyna ilikti. Bul - jyl basynan bergi antırekordtyq kórsetkish.
«Aıta keterligi, apta ishinde 492 qaterli indetke shaldyqty. Bul aldyńǵy jeti kúnmen salystyrǵanda 1,5 esege kóp. Oblysta «Delta» shtamynyń taralý jyldamdyǵy oılandyrady. Qazir óńir elimizdiń epıdahýaldy baǵalaý matrıtsasynda «qyzyl» aımaqta tur. Epıdemıologııalyq taldaý vırýstyń jastar arasynda kóbirek bolyp jatqanyn kórsetti . Aıta keterligi, keıingi aılarda qaterli indetke shaldyqqan azamattar arasynda 30-40 jas aralyǵynda naýqastardyń sany basym. Іsh aýyryp, tábettiń tómendeýi, qusý jáne júrektiń aınýy - úndi shtamynyń belgileri. Sondyqtan alǵashqy sımptomy baıqalǵan jaǵdaıda dereý dárigerge júginý kerek», - dedi Qyzylorda oblystyq sanıtarııalyq-epıdemıologııalyq baqylaý departamentiniń basshysy Dınara Jańabergenova.
Onyń aıtýynsha, buǵan deıin aınalymdaǵy shtamdar kóp jaǵdaıda sımptomsyz túrde ótip kelgen bolsa, úndi mýtatsııasynyń ereksheligi aýyr klınıkalyq belgilerde baıqalýda. Sońǵy tirkelgen 110 jaǵdaıdyń 75% aýrý belgilerimen tirkelgen. Іndetke shaldyǵý derekteriniń basym jaǵdaıy koronavırýs ınfektsııasyna qarsy ekpe almaǵan adamdar arasynan anyqtalýda.
«Álem ǵalymdary bul vırýstyń ári qaraı mýtatsııalanýyna jolbermeı, epıdahýaldy turaqtandyrýdyń tıimdi tásili retinde vaktsınalaýdy usynady. Halqynyń basym bóligi ımmýndalǵan birqatar shetelderde jaqsy nátıjelerge qol jetýde.
Mamyr aıynda oblysta aýrýshańdyq kórsetkishi birshama tómendegen kezde halyqta úreı basylyp, bosańsyp ketkeni bar. Saldary búgingideı koronavırýstyń qaıta kúshine minýine ákep soqtyrdy.Oblystaǵy epıdahýaldy turaqtandyrý maqsatynda №18 Qaýlymen birqatar shekteý sharalary qabyldanǵan bolatyn», - dedi departament basshysy.
Eske salsaq, Qyzylorda oblysynda Qurban aıtqa baılanysty jańa qaýly qabyldandy.
