Qyzylordada koronavırýs juqtyrǵandarmen baılanysta bolǵan 30 adam anyqtaldy

QYZYLORDA. QazAqparat –Qyzylordada 111 adam medıtsınalyq baqylaýda. Bul týraly oblystyq taýarlar men kórsetiletin qyzmetterdiń sapasy jáne qaýipsizdigin baqylaý departamenti basshysynyń orynbasary Álııa Ábdiqaıymova aıtty, dep habarlaıdy QazAqparat tilshisi.

«Koronavırýs ınfektsııasynyń taralýyna jol bermeý baǵytynda jumystar júrgizilip jatyr. Olardyń 87-i úı karantıninde. Al 24-i provızorlyq statsıonarda karantınge alynyp, 14 kúnge medıtsınalyq baqylaýǵa alyndy. Búgingi kúni oblys boıynsha koronavırýstyń naqtylanǵan bir jaǵdaıy tirkeldi. Bul jaǵdaı boıynsha barlyq saqtyq sharasyn qoldana otyryp, naýqas oblystyq juqpaly aýrýhananyń boks bólimine jatqyzyldy», - dedi ol «Habar 24» arnasynda onlaın rejımde ótken baspasóz máslıhatynda.

Qazir oblysta epıdemıologııalyq jáne dezınfektsııalyq eki top qurylǵan. ıAǵnı, aýrý tirkelgen oshaqta qorytyndy dezınfektsııa jumystaryn júrgizý maqsatynda aldyn alý sharalary júrgizilýde.

«Naýqaspen qarym-qatynasta bolǵan adamdardyń sheńberi - qarym-qatynasta bolǵan 30-ǵa jýyq adam anyqtaldy. Endi olarǵa irikteý jumystary júrgiziledi. ıAǵnı, jaqyn jáne potentsıaldy qarym-qatynasta bolǵan adamdar anyqtalyp, 14 kúnge statsıonarǵa jatqyzylady. Biz saqtyq sharalaryn kúsheıtýimiz kerek», - deıdi Álııa Ábdiqaıymova.

Qyzylorda oblysynda úlken saýda ornynda, dúkender men mınımarketterde, adam kóp shoǵyrlanatyn oryndardyń bárinde dezınfektsııalyq sharalar kúsheıtilip, kúnine eki ret júrgizilmek. Kóshege turǵyndar shyqqanda mindetti túrde maskamen júrýi kerek.

«Bizdiń beretin nusqaýymyz – úıde qalý, kópshilik bolyp jınalmaý, úıge keletin qonaqty azaıtý kerek», - dep túıdi ol.