Qyzylordada koronavırýs juqtyrǵandardyń jaǵdaıy qalaı
Oblystyq densaýlyq saqtaý basqarmasynyń basshysy Jaqsylyq Abdýsametov naýqastardyń jaǵdaıy jaıynda jýrnalıstermen ótken brıfıngte aıtyp berdi, dep habarlaıdy QazAqparat tilshisi.
Budan buryn atalǵan aýrýǵa baılanysty 2 jaǵdaı tirkelgen bolatyn. Endi olardyń qataryna taǵy úsheýi qosylyp otyr. Búgingi tirkelgen derek laboratorııalyq zertteýler arqyly naqtylandy.
«Búgin tirkelgen úsh naýqastyń bireýi budan burynǵy eki naýqaspen qarym-qatynasta bolǵan. Qazir Jańaqorǵan aýdanaralyq aýrýhanasynda em qabyldap jatyr. Onyń jaǵdaıy ortasha aýyr dep baǵalanyp otyr. Onyń shaǵymy - jalpy álsizdik jáne dene qyzýynyń kóterilýi. Ekinshi naýqas 20 naýryzda naýqas AQSh-tan kelgen. Ol 1V sanatyna engizilgen memleket bolǵandyqtan úı karantınine alynǵan edi. Keshe dene qyzýy kóterildi. Juqpaly aýrýlar aýrýhanasyna jatqyzyldy. Alynǵan analızi oń nátıje kórsetti. Onyń jaǵdaıy qanaǵattanarlyq, ol dene qyzýynyń kóterilýine shaǵymdanady. Úshinshi azamat Qyzylorda qalasynda turady. Onyń dene qyzýynyń kóteril, ýlaný sımptomdary baıqalyp, denesinde bórtpe paıda bolǵan. Oblystyq juqpaly aýrýlar aýrýhanasynda zertteý júrgizilip, dıagnozy naqtylandy. Ol osy ýaqytqa deıin qyzylsha aýrýy boıynsha shaǵymdanǵan edi. Jaǵdaıy ortasha aýyr dep baǵalandy. Qazirgi tańda bekitilgen hattamaǵa sáıkes, naýqastardyń emi júrgizilýde. Qyzylshamen aýyryp túsken naýqastyń jaǵdaıy keshegi kúnge qaraǵanda jaqsaryp keledi», – dedi Jaqsylyq Abdýsametov.
Onyń aıtýynsha, Qyzylorda qalasy men oblysty karantınge jabý máselesi qaralýda. Naqty sheshim keıin belgili bolady.
Budan buryn Qyzylordada 28 naýryzda koronavırýs juqtyrǵan alǵashqy adam tirkelse , 29 naýryzda ol naýqaspen qarym-qatynasta bolǵan medbıkeden de sol dıagnoz naqtylandy.