Qyzylordada koronavırýs juqtyrǵandardyń bireýi karantın rejımin saqtamaǵan
Qazirgi tańda Qyzylorda oblysynda koronavırýs ınfektsııasyn juqtyrǵan 31 adam bar.
Bul týraly Óńirlik kommýnıkatsııalar qyzmetiniń aqparattyq alańynda oblystyq densaýlyq saqtaý basqarmasynyń basshysy Jaqsylyq Abdýsametov málim etti.
Onyń aıtýynsha, koronavırýs indetin juqtyrǵan sońǵy 3 adamnyń ekeýi Shıeli aýdanynan tirkelse, bireýi - Qarmaqshy aýdanynyń turǵyny.
«Anyqtalǵan naýqastar statsıonarǵa jatqyzyldy. Qazirgi ýaqytta, jaǵdaılary birqalypty jáne olar em alýda»,-dedi Jaqsylyq Ábilqasymuly.
Basqarma basshysynyń aıtýynsha, Shıeli aýdanynda tirkelgender 1998, 1999 jyly dúnıege kelgen qyz balalar. Petropavl qalasynan kelgen 1998 jylǵy stýdent karantın tártibin saqtamaǵan. Nátıjesinde ol 1999 jylǵy qurbysyna juqtyrǵan. Al Qarmaqshy aýdanynan vırýs juqtyrǵan azamat 50 jastaǵy er adam. Ol osy ınfektsııany juqtyrǵan adammen baılanysta bolǵan.
Aıta keteıik, oblysymyzda koronavırýs ınfektsııasyn juqtyrǵan azamattarmen qarym-qatynasta bolǵan 740 adam anyqtaldy. Onyń 254-i karantınde bolsa, 486-sy úı jaǵdaıynda baqylaýda.