Qyzylordada koronavırýs juqtyrǵandardyń 95 paıyzy - vaktsına almaǵandar
Búgingi kúni oblys boıynsha koronavırýs ınfektsııasynyń 17106 jaǵdaıy tirkeldi.
Onyń 95 paıyzy koronavırýs ınfektsııasyna qarsy vaktsına almaǵan adamdar arasynda tirkelgen.
Mundaı naýqastar arasynda jansaqtaý bóliminde em qabyldap jatqandar bar.
«Sondyqtan ekpeden bas tartqan durys emes. Qazir áleýmettik jeliler, vatsap messendjerleri arqyly túrli jalǵan, ǵylymı negizdelmegen aqparattar taraýda. Antıvakserlerdiń bul áreketi ujymdyq ımmýnıtet qalyptastyrýǵa keri áserin tıgizedi. Sondyqtan halyq arasynda vaktsınanyń qaýipsizdigi, tıimdiligi men sapasy jóninde tolyq aqparat berýge nazar aýdaryldy. Bul baǵytta sala mamandarynan qurylǵan jumysshy top iri eńbek ujymdaryna túsindirme jumystaryn júrgizýde. Nátıjesinde azamattar vaktsınalaý týraly teris kózqarasyn ózgertip, ekpe saldyrdy», - dedi oblystyq sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Bıyl vırýsqa qarsy ekpeniń arqasynda ótken jylǵy jaǵdaımen salystyrǵanda medıtsına mamandary arasynda aıtarlyqtaı tómendeý tendentsııasy baılanady.
Sol sııaqty iri kásiporyndar, munaı kompanııalary, vahtalyq ádispen jumys jasaıtyn jumys oryndarynda toptyq jaǵdaılar tirkelip jatqan joq.
«Búgingi kúni qyzmetkerleri vaktsınalanǵan birqatar eńbek ujymdarynda kollektıvti ımmýnıtet qalyptasty dep aıtýǵa bolady. Sebebi byltyrǵy jyly medıtsına mamandary arasynda koronavırýs ınfektsııasyna shaldyǵý jaǵdaılary kóptep oryn aldy. Al kerisinshe, koronavırýs ınfektsııasyna qarsy mindetti vaktsınalaný kontıngentine jatpaıtyn zeınetkerler, jumyssyzdar, balalar men sozylmaly aýrýlary bar adamdar arasynda koronavırýs ınfektsııasyna shaldyǵý jaǵdaıy jıilegen. Bul kórsetkishter vaktsınalaýdyń tıimdiligin dáleldeıdi», - dedi Á. Ábdiqaıymova.
Eske salsaq, Qyzylorda oblysynda ekpe qabyldaýǵa qabiletti turǵyndardyń 71,9 paıyzy vaktsına saldyrdy.
