Qyzylordada koronavırýs juqtyrǵan naýqastardyń 98,4 paıyzy tolyǵymen jazyldy
Búgingi kúnge deıin Qyzylorda oblysynda 3345 adam qaterli indetti juqtyrǵan. Olardyń 98,4 paıyzy (3287 adam) naýqasynan tolyǵymen jazyldy. Anyqtalǵan árbir syrqattyń epıdemıologııalyq ortasy esepke alynyp, kúndelikti saralanyp otyr. Bul maqsatta oblys ákiminiń baqylaýymen arnaıy is-sharalar qabyldanyp, júıeli jumystar júrgizilýde.
«Búgingi kúni barlyǵy 210 adamǵa arnalǵan ınfektsııalyq oryn bar. Onyń ishinde 38-i -reanımatsııalyq.
Aıta keterligi, qazir jansaqtaý bóliminde em qabyldap jatqan naýqas joq. Qaterli indetti juqtyrǵandarmen qarym-qatynasta bolǵan azamattardy oqshaýlaý maqsatynda 30 karantındik tósek-oryn belgilengen. Ahýal kúrdelegen jaǵdaıda oblysta, qala jáne aýdandardy qosqanda 3200 tósek-oryn uıymdastyrýǵa múmkindigimiz bar. Jaqyn kúnderi jalpy quny 6,3 mlrd teńgeni quraıtyn modýldik aýrýhana paıdalanýǵa beriledi», - dedi oblystyq densaýlyq saqtaý basqarmasynyń basshysy Sábıt Pazılov.
Onyń aıtýynsha, epıdemıologııalyq maýsym bastalǵan ýaqytta oblysta barlyǵy 76 ókpeni jasandy jeldetý apparaty bar edi. Qazir olardyń sany 252 danaǵa jetti. Medıtsınalyq uıymdarǵa gýmanıtarlyq kómek arqyly 682 ottegi kontsentratory jetkizildi. Sonymen qatar, oblysta 518 ottegimen qamtamasyz etilgen tósek-oryn bar. Medıtsına uıymdarynyń barlyǵy pýlsoksımetrmen qamtamasyz etilgen.
«Buryn oblystyń medıtsınalyq uıymdarynda 62 rentgen apparaty jumys jasaıtyn. Jergilikti bıýdjetten oǵan qosymsha retinde 4 flıýro jáne 6 dana statsıonarly rentgen apparaty satyp alyndy. Sondaı-aq, demeýshilik kómek esebinde «Lýkoıl» JShS arqyly 2 mobıldi jyljymaly palatalyq rentgen apparaty jáne 1 dana «S-DÝGA» rentgen apparaty keldi. Qarmaqshy, Jańaqorǵan aýdandyq aýrýhanalaryna qajetti 2 dana mobıldi tsıfrly rentgen apparatyna «Qazgermunaı BK» JShS qarjylaı qoldaý kórsetti. Búgingi tańda oblys boıynsha 79 jedel járdem brıgadasy halyqqa qyzmet kórsetýde», - dedi basqarma basshysy.
Oblystyq medıtsınalyq jedel járdem stansasynyń sanıtarlyq avtokólikterin jańartý maqsatynda respýblıkalyq bıýdjetten lızıng arqyly qarasha aıynyń alǵashqy jartysynda 40 dana sanıtarlyq avtokólik tolyqtaı jetkizildi. Odan bólek 2 jyljymaly medıtsınalyq keshen kiltteri Jalaǵash, Qarmaqshy aýdandyq aýrýhanalaryna berildi.