Qyzylordada koronavırýs juqtyrǵan adam jazylyp shyqty
Bul jóninde Qyzylorda oblystyq densaýlyq saqtaý basqarmasynyń Facebook paraqshasynan málim boldy.
Atalǵan patsıent, Qyzylorda qalasynda turady. Ol 1 naýryzda Ońtústik Koreıadan kelip, 14 kúndik karantındik baqylaýda bolǵan. Karantın kezinde eshqandaı ózgeris bolmaǵan. Odan keıin úı jaǵdaıyndaǵy baqylaýǵa alynǵan.
«Al 26 naýryzda aımaqtyq emhanaǵa dene qyzýymen shaǵymdandy. Tekserý barysynda atalǵan ınfektsııa belgileri baıqalyp, oblystyq juqpaly aýrýlar aýrýhanasyna jatqyzyldy. Naýqastan COVID-19 vırýsynyń zerthanalyq taldamasy rastalyp, klınıkalyq hattamaǵa sáıkes em júrgizildi. Búgin, 2020 jyldyń 13 naýryzynda naýqastan eki ret qaıtalama zerthanalyq taldamalary alyndy. Nátıjesinde onyń organızminen vırýs belgileri tabylǵan joq, qazir onyń jaǵdaıy qanaǵattanarlyq. Soǵan baılanysty ol úıine shyǵaryldy. Naýqas aldaǵy kezeńde 14 kún aımaqtyq emhananyń baqylaýyna alynady», - dep málim etti vedomstvodan.
Qazir elimiz boıynsha koronavırýs ınfektsııasyn jazylyp shyqqan 110 adam bar.
https://kaz.inform.kz/news/kazakstanda-koronavirustan-100-adam-zhazylyp-shykty_a3637357
Qyzylorda oblysynda atalǵan dıagonoz qoıylǵan 119 naýqas bar https://kaz.inform.kz/news/koronavirus-zhuktyrgan-3-adam-shieli-men-zhanakorganda-turady-kyzylorda_a3637301.