Qyzylordada koronavırýs juqtyrǵan adam tirkeldi dep jalǵan aıtqan turǵyn anyqtaldy
Bul derek Qyzylorda oblysy Qazaly aýdanynda tirkeldi. Aýdannyń 55 jastaǵy turǵyny WhatsApp arqyly Janqoja aýylynda jergilikti turǵynnyń koronavırýs dertin juqtyryp, qaltyrap aýyryp jatqanyn jetkizedi. Sonyń saldarynan aýyl turǵyndary úılerin tastap qashyp jatqanyn aýdıojazba arqyly aıtady.
Dál osyǵan uqsas jaǵdaı Syrdarııa aýdanynda da oryn aldy. Aýdannyń 36 jastaǵy turǵyny WhatsApp jelisi arqyly jergilikti turǵynnyń naqty aty-jónin aıtyp, onyń qaýipti dertke shaldyqqanyn habarlaǵan.
«Bul derekter dereý tekserildi. Jedel izdestirý nátıjesinde messendjer arqyly jalǵan aqparat taratqandar anyqtaldy. Olar óz áreketin tolyq moıyndady. Atalǵan derekter boıynsha QR Qylmystyq kodeksiniń 274-baby 4 bóligimen (tótenshe jaǵdaı kezinde kórineý jalǵan aqparat taratý) sotqa deıingi tergep-tekserý jumystary júrgizilip jatyr», - dep málim etti Qyzylorda oblystyq polıtsııa departamentiniń baspasóz qyzmeti.
Budan buryn da Qyzylordada koronavırýs jaıynda jalǵan aqparat taratqandar anyqtaldy