Qyzylordada koronavırýs juqtyrǵan 11 adamnyń qaı aýdandardan ekeni belgili boldy

QYZYLORDA. QazAqparat – 11 sáýirde saǵat 10:00-degi jaǵdaı boıynsha Qyzylorda oblysynda koronavırýs juqtyrǵan sońǵy 11 adamnyń qaı aýdandardan ekeni belgili boldy, dep habarlaıdy QazAqparat

Aýrý juqtyrǵandardyń 8 jaǵdaıy Syrdarııa aýdanynda, 2 jaǵdaıy Aral aýdanynda jáne 1 derek Qazaly aýdanynda tirkeldi.

Zerthanalyq synamalar 10 naýqastan koronavırýs ınfektsııasyn juqtyrǵan adammen qarym-qatynasta bolýyna baılanysty, al Qazalydaǵy 1 jaǵdaı boıynsha Nur-Sultan qalasynan kelýine baılanysty alyndy.
PTR dıagnostıkalyq zertteý nátıjeleri boıynsha COVID-19 dıagnozy anyqtaldy. Qazirgi tańda aýrý juqtyrǵandardyń barlyǵy bekitilgen hattamaǵa sáıkes em alýda.
Naýqastarmen qarym-qatynasta bolǵan adamdar anyqtalyp, medıtsınalyq baqylaýǵa alyndy. Aýrý oshaqtarynda dezınfektsııalaý jumystary júrgizildi.