Qyzylordada koronavırýs ınfektsııasynan ekinshi adam jazylyp shyqty
Bul jóninde oblystyq densaýlyq saqtaý basqarmasy habarlady. Emdelýshiniń emi tolyq aıaqtaldy. Eki márte test synamasy alyndy. Synama nátıjesi kórsetkendeı, naýqas dertinen tolyq aıyqqan.
Qazir elimizde koronavırýs ınfektsııasynan jazylǵan 142 adam bar.
«Emdelýshi úıine shyǵaryldy. Ol Qyzylorda qalasynda turady. Emdelýshi endi 14 kún boıy aımaqtyq dárigerler baqylaýynda bolady», - dep málim etti vedomstvodan.
Aıta keterligi, búgin 14 sáýirde Qyzylorda oblysynda koronavırýs dıagnozy qoıylǵan naýqas tirkelgen joq. Qazir Qyzylorda oblysynda búginge deıin atalǵan aýrýǵa baılanysty dıagnozy naqtylanǵan 119 adam bar.
«Eskerte ketetin jaǵdaı, sońǵy táýlikte Qyzylorda oblysyna syrttan 15 azamat kelgen. Olar da baqylaýǵa alyndy. Sondaı-aq, oblys boıynsha koronavırýs ınfektsııasy anyqtalǵan azamattarmen baılanysta bolǵan 1489 azamat bar. Onyń 828-i naýqastarmen tikeleı qarym-qatynasta, 661-i janama qarym-qatynasta bolǵandar. Barlyq azamat jiti baqylaýda tur», - dedi oblystyq densaýlyq saqtaý basqarmasynyń basshysy Jaqsylyq Abdýsametov.