Qyzylordada koronavırýs ınfektsııasynan 28 medıtsına qyzmetkeri emdelip shyqty
QYZYLORDA. QazAqparat - Qyzylorda oblysynda koronavırýs ınfektsııasyn juqtyrǵan 28 medıtsına qyzmetkeri aýrýynan emdelip shyqty, dep habarlaıdy QazAqparat tilshisi.
Qazir oblysta barlyǵy 200 adam syrqatynan aıyǵyp shyqty. Al óńirde jalpy vırýs juqtyrǵan 245 adam tirkelgen.
«Koronavırýs anyqtalǵan azamattardyń ishinde 20-29 jastaǵylar 71 adamdy quraıdy. Al 23 adam 0-14, 11 adam 15-19, 37 adam 30-39, 40 adam 40-49, 31 adam 50-59 jastaǵylar bolsa, 32 adam 60 jastan joǵarylar», - dedi oblystyq densaýlyq saqtaý basqarmasynyń basshysy Jaqsylyq Abdýsametov.
Koronavırýs ınfektsııasy anyqtalǵan azamattarmen baılanysta bolǵan 3343 azamat bar. Onyń ishinde tikeleı qarym-qatynasta bolǵany –1869, janama qarym-qatynasta bolǵany – 1474 adam.
Oblys boıynsha 15 mamyr kúni barlyǵy 669 synama alyndy. Nátıjesinde 338-i teris mándi, oń mándi synama joq. Al 281 synamamen jumys jasalýda.
Budan buryn Qyzylordaǵa Atyraýdan kelgen 13 adamǵa koronavırýs dıagnozy qoıylǵanyn habarlaǵan edik.
