Qyzylordada koronavırýs ınfektsııasyn anyqtaıtyn 3 zerthana iske qosyldy
Óńirde buǵan deıin atalǵan jumys 6 zerthanada júzege asty.
Endi olardyń qatary taǵy 3 laboratorııamen tolyqty.
Endigi kezekte qaterli indetti anyqtaý «Lab-Cell» JShS, «Invitro» JShS jáne «Genom» JShS laborotorııalarynda da júzege asty.
Osylaısha óńirdegi barlyq zerthananyń bir kúndik jalpy qýaty 3370 analızdi zertteýge jetedi.
«Bul koronavırýsty anyqtaıtyn zertteýlerdi keńeıtýge, erte anyqtaýǵa múmkindik beredi. Ol atalǵan aýrýdyń taralýynyń aldyn alýǵa úlken septigin tıgizedi. Jyl basynan beri oblys boıynsha koronavrırýty anyqtaýǵa barlyǵy 317 myńǵa jýyq synamaǵa PTR taldaý júrgizildi. Búgingi kúni PTR testileý 9 zerthanada qoljetimdi bolyp otyr. Onyń 4-eýi - memlekettik, 5-eýi - jeke menshik negizde jumys jasaıdy» dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.
Esterińizge sala ketelik, Qyzylordada koronavırýsqa qarsy vaktsına talapqa saı saqtalýda.
