Qyzylordada koronavırýs ınfektsııasymen baılanysty jaǵdaı kúrdelenip barady

Keıingi kúnderde óńirde indettiń órshı túsýi baıqalyp otyr. Sonyń saldarynan oblys «qyzyl» aımaqa endi. Bul saqtyq sharalaryn kúsheıtýdiń amaldaryn qaıta qaraýdy talap etedi.

Oblystyq densaýlyq saqtaý basqarmasynyń basshysy Sábıt Pazylovtyń aıtýynsha, oblysta vırýs juqtyrǵan 4890 adamnyń 86 paıyzy jazylǵan. Al, pnevmonııamen aýyrǵan 548 naýqastyń 447-i saýyǵyp shyqty. Qazirgi tańda statsıonarlarda 715 oryn uıymdastyrylǵan. Eger indet kúsheıgen jaǵdaıda ınfektsııalyq jáne provızorlyq statsıonarlarda tósek-oryn qoryn 3200-ge deıin ulǵaıtýǵa múmkindik bar. Onyń 518 orny ortalyqtandyrylǵan ottegimen jabdyqtalǵan.

«Óńirde turǵyndarǵa vaktsına egý óz deńgeıinde júrgizilýde. Búgingi kúni vaktsınanyń birinshi komponentiniń 21 100 dozasy 20 945 adamǵa egilse, ekinshi komponenttegi 16 100 doza 5108 adamǵa egildi. Qalǵan 10 992 doza kestege sáıkes salynady», - dedi basqarma basshysy.

Qazirgi tańda indet kórsetkishiniń kóbeıýine baılanysty qoǵamdyq oryndarda, halyq kóp shoǵyrlanatyn nysandarda reıd sharalary qatań túrde kúsheıtiledi. Sondaı-aq, monıtorıngtik top jumysynyń belsendiligin arttyrý basty nazarda bolady.

Aldaǵy ýaqytta óńirde barlyq medıtsınalyq mekemelerdegi tósek-oryndarǵa revızııa jasap, turǵyndar arasynda vaktsınalaý jumystary kúsheıtiledi. Oǵan qosa qosymsha egý pýnkteri ashylmaq.

«Aımaǵymyzda epıdemıologııalyq jaǵdaı kúrdelenýde. Búginnen bastap oblysymyz «qyzyl aımaqqa» kirdi. Táýligine 50-den astam jaǵdaı tirkelip, jappaı qaıta juqtyrý qaýpi óte joǵary. Bul rette rezervtegi tósek-oryndar, dári-dármekterdiń jáne qorǵanysh quraldarynyń qory, medıtsınalyq buıymdardyń qajettilik sany daıyn bolý kerek. Іndetti jeńýdiń joly - saqtyq sharalaryn kúsheıtýmen qatar jappaı vaktsınatsııalaý. Jerlesterimizdi jaýapkershilik pen tártiptiligin arttyrýǵa shaqyrýymyz qajet»,-dedi oblys ákimi Gúlshara Ábdiqalyqova.

Eske salsaq, buǵan deıin Gúlshara Ábdiqalyqova oblys turǵyndaryna úndeý jasaǵan bolatyn.