Qyzylordada koronavırýs dıagnozy qoıylǵan 4 adam Shıeli jáne Jańaqorǵanda turady
«Tórt naýqastyń úsheýi Shıeli aýdanynyń Bala bı, Qodamanov aýyldarynan tirkeldi. Al bireýi Jańaqorǵan aýdanynda turady. Aýrý juqtyrǵandardyń ekeýi 1989, 2010 jyly dúnıege kelgen er, ekeýi 1967, 1996 jylǵy áıel adamdar. Barlyǵy osy ınfektsııamen aýyrǵan adamdarmen baılanysta bolyp juqtyrǵan. Qazirgi tańda naýqastarmen qarym-qatynasta bolǵan adamdar anyqtalýda. Olar der kezinde medıtsınalyq baqylaýǵa alynyp, oqshaýlanyp, tekseristen ótkizilýde», - dep málim etti Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti.
Oblystyq densaýlyq basqarmasynyń habarlaýynsha, óńirde qaýipti indetti juqtyrǵandardyń sany 104-ke jetti.
10 sáýirde saǵat 9-daǵy jaǵdaı boıynsha Qyzylorda oblysynda koronavırýs ınfektsııasymen tirkelgender sany 104 adamǵa jetti. Onyń ishinde Qyzylorda qalasynda – 12 naýqas tirkelse, aýdandar boıynsha Jańaqorǵanda - 17, Aralda - 2, Syrdarııada - 14, Qarmaqshyda - 4, Shıelide - 55 jaǵdaı kezdesti.