Qyzylordada Qorqyt ata kúni atalyp ótýi múmkin
QYZYLORDA. QazAqparat - Qyzylorda oblysynda jergilikti jurtshylyq 27 qarashany Qorqyt ata kúni retinde atap ótýi múmkin. Óńir turǵyndaryna osyndaı usynys jasaldy, dep habarlaıdy QazAqparat tilshisi.
Byltyr Syr óńiriniń mádenı brendi - Qorqyt ata muralary ıÝNESKO-nyń HІІІ sessııasynda Birikken Ulttar Uıymy janyndaǵy ıÝNESKO-nyń ǵalamdyq mádenı muralar tizimine engizildi.
Atalmysh ıgilikti is Shyǵys Afrıkadaǵy Mavrıkıı Respýblıkasynda 217 memleket qatysqan shara barysynda júzege asty.
«Bul - biz úshin úlken jeńis. Oblys ákimi Qyrymbek Kósherbaevtyń qoldaýymen 2013 jyldan bastap oblys ákimdigi janynan tarıhı-mádenı eskertkishterdi qorǵaý jáne paıdalaný, saqtaý ǵylymı keńesi qyzmet atqaryp keledi. Sondyqtan Qorqyt ata muralarynyń ıÝNESKO-nyń ǵalamdyq mádenı muralar tizimine engiziliýi - sol ǵylymı keńestiń nátıjeli eńbegi dep baǵalaımyz. Ol - ǵalymdarmen birlesip jasaǵan jumystardyń qorytyndysy. Bul Syr halqynyń ǵana emes, túrki áleminiń jeńisi. Sondyqtan bıylǵy jyly 27 qarashany óńirdiń halqy qoldaý bildirip jatsa, Qorqyt ata kúni dep jarııalaýǵa usynys bildirdik. Árıne, munyń barlyǵy aldaǵy ýaqytta sheshilmek», - dedi Qyzylorda oblysy ákiminiń orynbasary Rýslan Rústemov.
