Qyzylordada qora órtenip, 30 qozy janyp ketti
QYZYLORDA. QazAqparat - Qyzylorda oblysy Shıeli aýdanynda qora órtenip, 30 qozy janyp ketti, dep habarlaıdy QazAqparat tilshisi.
Oqıǵa búgin, 2 mamyrda saǵat 14.00 shamasynda Shıeli aýdany, N. Bekejanov aýylynda boldy. Eldi mekendegi mal qora tolyǵymen janyp ketken.
«112» qutqarý qyzmetine habarlama túskennen keıin, 7 shaqyrym jerde eń jaqyn ornalasqan órt sóndirý qyzmetiniń bólimi dereý jetti. Mamandar oqıǵa ornyna barǵanda kólemi 80 sharshy metrdi quraıtyn mal qora janyp jatqan. Onyń qabyrǵasy kesekten salynyp, tóbesi qańyltyrmen jabylǵan. Órt sóndirýshilerdiń is-qımylynyń arqasynda órt saǵat 15.15-te tolyǵymen joıyldy. Oqıǵa barysynda 30 bas jańa týǵan qozy janyp ketti. Órtti sóndirýge 7 qyzmetker 1 tehnıka jumyldyryldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetinen.
Aıta keteıik, budan buryn Qyzylordada jeńil avtokólik órtenip, bir adamdy kúıik shalǵan bolatyn.
