Qyzylordada kópqabatty úıdiń qabyrǵasyna Abaıdyń beınesi salynýda

QYZYLORDA. QazAqparat - Qyzylorda qalasyndaǵy kópqabatty turǵyn úıdiń qabyrǵasyna qazaqtyń uly aqyny Abaıdyń aıshyqty beınesi salynyp jatyr. Bul jóninde qala ákimdiginiń baspasóz qyzmetinen málim etti, dep habarlaıdy QazAqparat tilshisi.

Alyp sýret Abaı dańǵyly men Ǵanı Muratbaev kósheleriniń qıylysyndaǵy №17 úıde salynýda.

«Qazaq ádebıetiniń bastaýy, kúlli qazaq balasyna baǵdar bolǵan Abaı beınesi qala ajaryn aıshyqtaı túseri sózsiz. Ulttyq rýhanııattyń úlken tulǵasyna aınalǵan alyp sýretti qala turǵyndaryna syı retinde «Energo Oıl» JShS demeýshilik esebinen tartý etýde», - dedi ákimdiktiń baspasóz qyzmetinen.

Abaı dańǵyly Qyzylorda qalasynyń ortalyq bóliginde ornalasqan. Onda kóptegen mekemeler, turǵyn úıler bar. Sondaı-aq, munda qazaqtyń bas aqynynyń naqyl sózderi jazylǵan arnaıy alań ashylǵan.