Qyzylordada kópqabatty úıden órt shyǵyp, 6 adam aýrýhanaǵa jetkizildi

QYZYLORDA. QazAqparat - Búgin Qyzylorda qalasyndaǵy «Shuǵyla» móltek aýdanyndaǵy bes qabatty úıde shyqqan órtten barlyǵy 17 adam qutqaryldy, dep habarlaıdy QazAqparat tilshisi.

Oqys oqıǵa saǵat 11.15 shamasynda boldy. Oblys ortalyǵyndaǵy «Shuǵyla» móltek aýdany 7 «A» úıdegi úshinshi qabattan órt shyqty. As bólmesinen bastalǵan jalynnan qysqa tolqyndy pesh, tońazytqysh, kir jýǵysh mashına órtendi. Kópqabatty úıdegi ózge turǵyndar qaýipsizdigin saqtaý maqsatynda olardy qutqarý jumystary júzege asty.

«Qutqarýshylar 7 adam avtosaty arqyly evakýatsııalandy. Onyń ishinde 2-i - bala. Al órt avtosatysy arqyly 4 qabattan 10 adam, onyń ishinde 5 bala qutqaryldy. Órt 11.34-te sóndirildi. Apattar medıtsınasy ortalyǵynyń brıgadasy oblystyq medıtsınalyq ortalyqqa kómirqyshqyl gazynan ýlaný belgisimen 4 adamdy jetkizdi. Al «Jedel járdem» brıgadasy 2 balany oblystyq balalar aýrýhanasyna alyp bardy. Qaza bolǵandar joq. Oqıǵa ornynda oblystyq tótenshe jaǵdaılar departamentinen 14 qyzmetker 4 tehnıkamen bardy», - dep málim etti oblystyq tótenshe jaǵdaılar departamenti baspasóz qyzmetiniń jetekshisi Aıgúl Nurmanova.

Sondaı-aq, oqıǵa ornynda «Apattar medıtsınasy ortalyǵy», jedel járdem qyzmeti, polıtsııa departamentin jáne ózgede sala mamandary jetip qyzmet atqardy.

Budan buryn Qyzylordada kópqabatty úıden órt shyǵyp, 50 adam evakýatsııalandy.