Qyzylordada kópqabatty úıden órt shyǵyp, 50 adam evakýatsııalandy
Oqıǵa búgin saǵat 01.00 shamasynda boldy. Oblys ortalyǵyndaǵy «Aqmeshit» shaǵyn aýdanyndaǵy bes qabatty turǵyn úıde elektr qalqanshasy men shatyrdaǵy úı-jaıda janý oqıǵasy tirkeldi. Oblystyq tótenshe jaǵdaılar departamenti kúshimen gıdravlıkalyq quraldardy paıdalana otyryp, lıýkti kesý arqyly shatyrdaǵy úı-jaıǵa kirý júzege asyryldy.
«Onda jalpy aýdany 195 sharshy metrdi quraıtyn qoqys, turmystyq qaldyqtar, eski matratstar, plastıkalyq bos ydystar janǵan. Departament mamandarynyńkúshimen joǵarǵy qabattaǵy páterlerden barlyǵy 9 gaz ballony shyǵaryldy. Onyń 8-i 27, 1-i 50 lıtrlik gaz ballondary. Órtten baspaldaq arqyly 50 adam evakýatsııalandy, onyń ishinde 20 bala bar. Al 4 jáne 5 qabattan órt sóndirý avtosatysy arqyly 19 adam qutqaryldy, onyń ishinde 13 bala bar. Órt sóndirýshilerdiń birikken is qımylynyń nátıjesinde órt 02:54 kezinde tolyq sóndirildi», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz mamany Álııa Erejepova.
Qazir turǵyn úı elektrden ajyratyldy. Turǵyn úıdiń ekinshi podeziniń turǵyndary týysqandarynyń úıinde jiberildi. Oqıǵa ornyna polıtsııa qyzmetkerleri podezde kúzet uıymdastyrdy.
Zardap shekkender men qurban bolǵandar joq.
