Qyzylordada kópqabatty úıdegi órtten 61 jastaǵy turǵyn kúıip qaldy
20 jeltoqsan kúni saǵat 11.31 kezinde Mereı móltekaýdany, 23 mekenjaıynda kópqabatty úıdiń birinshi qabatynan tútin shyǵyp jatqany habarlanǵan.
Oqıǵa ornyna órtke qarsy qyzmetten 8 maman 2 tehnıka bardy.
Barlaý nátıjesinde úıdiń 3-qabatyndaǵy páterdiń jatyn bólmesinde turmystyq zattar janyp jatqany anyqtaldy.
Gaz-tútinnen qorǵaý býyny páterden es-tússiz jatqan er adamdy tapty. Órt sóndirýshiler 1961 jyly týǵan azamatty qaýipsiz jerge shyǵardy.
Zardap shekken turǵynǵa alǵashqy medıtsınalyq kómek kórsetilip, jedel járdem mamandaryna tapsyryldy.
Órt kópqabatty úıdiń ózge páterlerine jaıylmady.
Qazirgi tańda tilsiz jaýdyń shyǵý sebebi men shyǵyny anyqtalyp jatyr.
Zardap shekken azamattyń jaǵdaıy aýyr. Dárigerlerdiń jiti qaraýynda.
Aq halattylardyń málimetinshe, azamattyń betin 10-19% termııalyq kúıik shalǵan jáne kómirqyshqyl gazynan ýlanǵan.
Foto: instagram.com/qyzylorda_tjd