Qyzylordada kópqabatty úı órtenip, 14 adam evakýatsııalandy
QYZYLORDA. QazAqparat - Qyzylordada kóp qabatty úıde bolǵan órtte 13 adam qaýipsiz jerge shyǵarylyp, ózdiginen júre almaıtyn 1 adam qutqaryldy, dep habarlaıdy QazAqparat tilshisi.
Oqıǵa búgin, 14 mamyrda saǵat 10.58-de boldy. Sol ýaqytta Qyzylorda oblystyq tótenshe jaǵdaılar departamentine habar kelip tústi. Onda oblys ortalyǵyndaǵy Abaı dańǵyly boıyndaǵy №48 úıdiń besinshi qabatyndaǵy eki páterdiń balkony janyp jatqany jóninde aıtylǵan.
«Órt sóndirýshiler oqıǵa ornyna jyldam jetti. Barlaý jumystarynyǵ nátıjesinde oqıǵanyń mán-jaıy anyqtaldy. Órt sóndirýshilerdiń jedel jáne birikken is-qımylynyń nátıjesinde joǵarǵy qabattan barlyǵy 13 adam qaýipsiz jerge shyǵaryldy. Olardyń 2-i bala. Sondaı-aq, órtten ózdiginen júre almaıtyn bir azamatsha qutqaryldy. Órt saǵat 11.10-de oqshaýlanyp, 11.18-de tolyǵymen sóndirildi. Órttiń shyǵý sebebi men shyǵyny anyqtalýda», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada qora órtenip, 30 qozy janyp ketti.
