Qyzylordada kópirden ÝAZ kóligi qulady
QYZYLORDA. QazAqparat - Qyzylorda oblysy Shıeli aýdanyndaǵy kópirden ÝAZ kóligi Syrdarııa ózenine qulap ketti, dep habarlaıdy QazAqparat tilshisi.
Bul oqıǵa Shıeli aýdanynyń Qyzylqaıyń eldi mekenine jaqyn aýmaqta oryn alǵan. Oqys oqıǵadan eshkim zardap shekken joq. Júrgizýshi kólik salonynan der kezinde sekirip úlgergen. Al kólik ózen túbine batyp ketken. Atalmysh kólik bes saǵattan keıin tabyldy. Ol jaǵaǵa shyǵaryldy.
Qutqarýshylar mundaı jaǵdaı sońǵy on kúnniń ishinde ekinshi márte oryn alyp otyrǵanyn aıtady. Tamyz aıynyń aıaǵyna taman sol kópirden taǵy bir ÝAZ kóligi ózenge qulaǵan edi.
