Qyzylordada kópirden Syrdarııaǵa sekirgen jasóspirim qyz qutqaryldy

QYZYLORDA. QazAqparat - Qyzylorda qalasynda Syrdarııa ózeni ústindegi kópirden sýǵa sekirgen jasóspirim qyz qutqaryldy, dep habarlaıdy QazAqparat tilshisi.

Oqıǵa 25 sáýirde jergilikti ýaqyt 18.00 shamasynda bolǵan. Oblystyq tótenshe jaǵdaılar departamentine Ǵ. Muratbaev kóshesi boıyndaǵy Syrdarııa ózeni ústinen sol jaǵalaýǵa ótetin kópirdiń ústinen jasóspirim qyzdyń sýǵa sekirip ketkeni jóninde habardama tústi.

«Oqıǵa ornyna jedel qutqarý jasaǵynan 4 qutqarýshy 1 tehnıkamen jetti. Qutqarýshylar 2008 jylǵy jasóspirim qyzdy sol jerde baıqaǵan adamdardyń jaǵaǵa shyǵarǵanyn anyqtady. Odan keıin jasóspirim qyzdy zembilge salyp, jedel járdem qyzmetiniń mamandaryna tapsyrdy», - dep jazylǵan departament taratqan habarlamada.

Eske salsaq, budan buryn Jańaqorǵanda qatty jel 5 ǵımarattyń shatyryn ushyryp áketti .