Qyzylordada kópbalaly jas analar kóbeıdi
QYZYLORDA. QazAqparat - Qyzylorda qalasynda tórt jáne odan da kóp balaly jas analar qatary kóbeıip keledi. Qazir olardyń sany 3600 adamǵa jýyqtady, dep habarlaıdy QazAqparat tilshisi.
Bul málimet Qyzylorda qalasy ákimi Nurlybek Nálibaevtyń 8 naýryz - Halyqaralyq áıelder kúni merekesine oraı ótkizgen názik jandylardy qabyldaý sharasynda aıtyldy. Jalpy, Syr óńiri balanyń dúnıege kelýi jóninen elimizde aldyńǵy qatarda keledi. Bir ǵana Qyzylorda qalasynda búginde 3 myńnan astam Batyr ana bar. Sondaı-aq, Qyzylorda qalasynda jasy 100-den asqan 2 keıýana turady.
«Qazirgi tańda qala ákimdigine qarasty qurylymdarda 209 memlekettik qyzmetker bolsa, olardyń 50 paıyzǵa jýyǵy názik jandylar. Sonymen qatar, qalalyq máslıhattyń hatshysy, ákimdikke qarasty 4 derbes bólimdi jáne qala ákimi apparatynda 2 bólimdi názik jandylar basqaryp otyr», dedi Qyzylorda qalasynyń ákimi Nurlybek Nálibaev.
Ádilet Qańtarbaev
