Qyzylordada kópbalaly ana alaıaqtyq jasaǵan
QYZYLORDA. QazAqparat - Qyzylordada kópbalaly ana alaıaqtyq jasaǵany úshin bas bostandyǵynan aıryldy, dep habarlaıdy QazAqparat tilshisi.
Bul qylmystyq is Qyzylorda qalasynyń №2 sotynda qaraldy. Alaıaqtyq jasaǵan áıel Qazaqstan Respýblıkasy Qylmystyq kodeksiniń 190-babynyń 3-bóligi 1-tarmaǵymen aıyptaldy.
Ol bir tanysynyń páter alýdy josparlap júrgenin estıdi. Osy sátti paıdalanǵan ol jábirlenýshiniń senimine kiredi. Memlekettik baǵdarlama arqyly páter alyp beretinin aıtady. Ol úshin 2,5 mln teńge qajettigin aıtady. Osylaısha alaıaqtyq jolmen aqshany aldap alǵan. Alaıda, onyń páter alyp beretin eshqandaı múmkindigi joq edi.
Sot úkimimen sottalýshy G-ǵa 5 jylǵa bas bostandyǵynan aıyrý jazasy taǵaıyndaldy. Alaıda, aıyptalýshy azamatshanyń kámeletke tolmaǵan 6 balasy bar eken. Sot osyndaı jaǵdaılardy eskere otyryp, jazany «QR Táýelsizdiginiń 25 jyldyǵyna raqymshylyq jasaý týraly» 13.12.2016 jylǵy QR-nyń Zańynyń 4-babynyń 1-bóliginiń 2-tarmaǵyna sáıkes qysqartty. Oǵan 2 jyl 6 aıǵa bas bostandyǵynan aıyrý jazasyn taǵaıyndaldy.
