Qyzylordada kóp qabatty jataqhanada shyqqan órtten 76 adam evakýatsııalandy

QYZYLORDA. QazAqparat - Qyzylorda qalasynda kóp qabatty jataqhanada shyqqan órtten barlyǵy 76 adam evakýatsııalandy, dep habarlaıdy QazAqparat tilshisi.

Oqıǵa búgin jergilikti ýaqytpen tańǵy 5.54-te tirkeldi. Turar Rysqulov kóshesi boıynda ornalasqan jataqhananyń ekinshi qabatyndaǵy balkonnan órt shyqqan. Órt sol balkonnyń ústinde ornalasqan ózge balkondarǵa tarap ketken.

«Órtten barlyǵy 76 adam evakýatsııalandy. Onyń ishinde 15-i bala. Órt 6.21-de tolyqtaı sóndirildi. Órtti sóndirýge tótenshe jaǵdaılar salasynan barlyǵy 32 qyzmetker men 10 tehnıka juıyldyryldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń ókilderi.

Budan buryn Qyzylordada bir aýlada turǵan úsh kólik órtendi.