Qyzylordada kóp qabatty úıdegi órtten 47 adam evakýatsııalandy
Bul oqıǵa 16 aqpanda saǵat 20:00 shamasynda boldy. Oblys ortalyǵyndaǵy Abaı dańǵyly 36 úıdiń besinshi qabatynda páterdiń birinde órt shyqqan. Órt sóndirý qyzmetiniń 2 mamandandyrylǵan órt sóndirý bóliminiń jeke quramy «112 qutqarý qyzmetine» túsken habardan keıin dereý oqıǵa ornyna jetti.
«Mamandar oqıǵa ornynda gaz tútininen qorǵaý júıelerine barlaý jumystaryn júrgizdi. Nátıjesinde kóp qabatty turǵyn úıdegi páterdiń birinen órt shyqqany anyqtaldy. Órt sóndirýshiler jedel áreket etti. Órt tolyǵymen sóndirildi. Turǵyn úıden barlyǵy 47 adam evakýatsııalandy. Qutqarýshylar kóp qabatty úıde turatyn 1 top múgedegin qaýipsiz jerge alyp shyqty. Ol jedel járdem kómegimen ortalyq aýrýhanaǵa jetkizildi, jaǵdaıy ortasha. Órttiń shyǵý sebebi men shyǵyny anyqtalýda», dep málim etti Qyzylorda oblystyq Tótenshe jaǵdaılar departamenti órt sóndirý jáne apattyq-qutqarý jumystary qyzmetiniń mamandary.
