Qyzylordada kóp balaly ana baspanaly boldy

QYZYLORDA. QazAqparat - Qyzylorda oblysy Shıeli aýdanynda turatyn kóp balaly ana Uljamal Álıeva baspanaly boldy. Ol jalǵyz ózi alty bala tárbıelep keledi, dep habarlaıdy QazAqparat tilshisi.

Respýblıkalyq «Hareket» qaıyrymdylyq qory «Myń teńgege baspana» jobasy negizinde turǵyn úıge muqtaj janǵa qamqorlyq kórsetti.

«Men kóp balaly anamyn. Kenje balam týa bitti múgedek. Balapandarymnyń rızyǵy shyǵar, baspanaly bolyp jatyrmyn. Bul tosynnan jasalǵan úlken syılyq boldy. Janashyrlyq bildirgen barsha azamattarǵa alǵysym sheksiz. Buǵan deıin baspana jaldap keldim. Óz shańyraǵymnyń bolýyn armandaǵan edim», - dedi Uljamal Álıeva.

Aıta keterligi, buǵan deıin «Hareket» qaıyrymdylyq qory elimiz boıynsha turmysy tómen 71 adamǵa qonys syılaǵan edi.