Qyzylordada kóne qalashyq týraly kórme uıymdastyryldy
Atalmysh ıgi shara Tuńǵysh Prezıdent – Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda júzege asyryldy.
Orta ǵasyrlyq Qyshqala shahary shamamen HІІІ-HÚ ǵasyrlarda ómir súrgen. Kóneniń kózindeı qasterli meken Syrdarııa aýdany, Qoǵalykól aýylynan shyǵysqa qaraı 2 shaqyrym jerde ornalasqan. Qalashyqta alǵashqy zertteý 1899 jyly Syrdyń tómengi aǵysyndaǵy qalalardy zerdelegen V.Kallaýrdyń bastamasymen iske asqan.
Ótken jyldan bastap Qyshqalada belgili ǵalym Madııar Eleýovtiń basshylyǵymen arheologııalyq qazba jumystary qolǵa alyndy. bAtalmysh shara barysynda qıma órnekten salynǵan kesene men eki negizgi ǵımaratynyń orny tolyqtaı ashyldy. Qalada ishki saýda damyǵany ańǵarylady. 30 gektarǵa jýyq aýmaqty alyp jatqan shahardyń soltústik shetinde qyshtan soǵylǵan úlken saraıdyń qaldyqtary saqtalǵan. Bul jerdiń sheberleri kóptegen san alýan sharýashylyq, turmystyq jáne quıma qyshyn daıyndaǵan. Jekelegen úı-jaılardyń kóshege qaraıtyn aldyńǵy betteri oıyp jasalǵan kirpishtermen áshekeılengen. Іri saýda ortalyǵy bolǵannan keıin, túrli mádenıet, san alýan óner túrleri osy qalashyqta toǵysqan dep boljam aıtýǵa bolady. Qyshqalada zergerlik sheberhananyń bolǵany týraly arheologııalyq aıǵaqtar bar.
Oblystyq tarıhı-ólketaný mýzeıindegi tanymdyq kórmeni qala turǵyndary men qonaqtar kelip tamashalady. Sheteldik meımandar qatarynda Qytaıdan kelgen jıhankezder bar.
