Qyzylordada kóne qaladan úlken keseneniń orny tabyldy

QYZYLORDA. QazAqparat - Qyzylorda oblysynyń Syrdarııa aýdanyna qarasty Qoǵalykól aýylynyń aýmaǵynda ornalasqan Qyshqala qalashyǵy ornynan kóne kesene tabyldy, dep habarlaıdy QazAqparat tilshisi.

Bul jumystar Qyzylorda oblystyq tarıhı jáne mádenı eskertkishterdi qorǵaý mekemesi tarapynan qolǵa alynyp otyr. Qazba jumystary Altyn ordanyń 750 jyldyǵy aıasynda júzege asyrylýda. Igilikti is oblystyq bıýdjet esebinen júrgiziledi.

«Bıyl elimizge beligili arheolog Madııar Eleýov jetekshilik jasaıtyn arheologııalyq ekspedıtsııa keń kólemdi arheologııalyq zertteý sharalaryna nazar aýdaryp otyr. Jumys barysynda konservatsııalyq sharalar atqarylady dep josparlanyp otyr. Qazirgi ýaqytta qalashyqtyń shetinde ornalasqan keseniniń orny tolyq arshylýda. Qazbanyń nátıjesimen keseneniń kólemi úlken ekendigi anyqtaldy. Ol tolyq qyshtan turǵyzylǵan. Sonymen qatar, bıyl ótken jylǵy qazba barysynda anyqtalǵan qurylys nysandaryna jáne qysh kúıdiretin pesh oryndaryna qazba júrgiziledi», - dep málim etti Qyzylorda oblystyq tarıhı jáne mádenı eskertkishterdi qorǵaý mekemesiniń mamandary.

Ekspedıtsııaǵa arheologter, jas ǵalymdar jáne jergilikti aýyl turǵyndary tartylǵan. Aıta ketetin jaıt, Qyshqaladaǵy arheologııalyq zertteýler 2018 jyldan beri turaqty túrde júrgizilip keledi.