Qyzylordada qonaq úıden órt shyqty

QYZYLORDA. QazAqparat - Qyzylorda qalasynda qonaq úı órtenip kete jazdady, dep habarlaıdy QazAqparat tilshisi.

Qonaq úı oblys ortalyǵyndaǵy A. Súleımenov kóshesi №1 mekenjaıynda oryn tepken. 23 shildede túngi 22.33-te daǵdarys jaǵdaılaryn basqarý basqarmasyna «Lýna» qonaq úıiniń ǵımaraty janyp jatqany týraly habarlama kelip tústi.

«Órt sóndirý bólimsheleri oqıǵa ornyna dereý kelip jetti. Mamandar ǵımarat shatyrynan qoıý tútin shyǵyp jatqanyn ańǵardy. Onda demalyp jatqan meımandar men qyzmetkerler qaýipsiz jerge kóshirildi. Órt 00.34-te tolyq joıyldy», - dep málim etti Qyzylorda oblystyq tótenshe jaǵdaılar departamenti.

Órt saldarynan qaza bolǵandar men zardap shekkender joq. Órttiń shyǵý sebebi men shyǵyny anyqtalýda.