Qyzylordada kommýnaldyq qyzmetter tsıfrlandyrylyp jatyr

QYZYLORDA. QazAqparat - Qyzylordada kommýnaldyq qyzmet túrlerin tsıfrlandyrý jumystary bastaldy, dep habarlaıdy QazAqparat tilshisi.

«Jeltoqsan aıynan kelesi jyldyń sońyna deıin jobanyń І kezeńin bitiremiz. Jospar boıynsha, pılottyq jaǵdaıda 4300-deı tutynýshy qamtylady. Bolashaqta ár jeke turǵynnyń aqparaty bizdiń ortalyq serverge avtomatty túsip otyrady,- dedi «Qyzylorda elektr taratý toraptary kompanııasy» AQ basqarma tóraǵasy Muhıdjan Kárimbaev.

Jobanyń taǵy bir ereksheligi - barlyq aýdandardaǵy málimetter eseptegish quraldardyń kórsetkishi ortalyq serverge keledi. Bul dıstantsııalyq basqarý jumystardy jedel sheshýge múmkindik beretin bolmaq. Sondaı-aq, jańa qyzmet eń birinshi kezekte tutynýshylar úshin yńǵaıly bolmaq.

Aıta ketsek, Qyzylordada gıdroqondyrǵylar jumysynda tsıfrlyq tehnologııalar paıdalanylady.