Qyzylordada kommýnaldyq qyzmet tarıfteri tómendedi

«Qyzylorda oblysynda 12 qyzmet túri boıynsha 7 sýbektiniń tarıfteri tómendetildi. Osy jyldyń 1 jeltoqsanynan bastap «Qyzylordajylýelektroortalyǵy» MKK-nyń jylý baǵasy 1,2 paıyzǵa tómendep, ýaqytsha ótemdik tarıf engizildi. «Energoservıs» EJShS elektrmen jabdyqtaý qyzmetiniń ortasha baǵasyn 3,6 paıyzǵa túsirdi. Sonymen birge, 2019 jyldyń 1 qańtarynan bastap «Qyzylorda sý júıesi» jáne «Qyzylordajylýelektrortalyǵy» MKK qyzmetteriniń tarıfi tómendeıdi. Máselen, «Qyzylorda sý júıesi» MKK turǵyndar úshin qosymsha qun salyǵymen qosa eseptegende árbir tekshe metrge sýmen jabdyqtaý qyzmeti aqysyn 22,6 paıyzǵa (61,20 teńgeden 47,31 teńgege), sarqyndy sýdy burý qyzmeti aqysyn 11,4 paıyzǵa (60,56 teńgeden 53,66 teńgege) tómendetti. Al, «Qyzylorda sý júıesi MKK-nyń jáne «Qyzylordajylýelektrortalyǵy» MKK-nyń tarıfteriniń tómendeýiniń negizgi sebebi ınvestıtsııalyq baǵdarlamaǵa tómendetý jaǵyna qaraı engizilgen túzetý bolyp tabylady», - dedi tabıǵı monopolııalardy retteý jáne básekelestikti jáne tutynýshylardyń quqyqtaryn qorǵaý komıtetiniń Qyzylorda oblysy boıynsha departamenti basshysynyń mindetin atqarýshy Gúlmıra Ótegenova.

Al 2019 jyldyń 1 qańtarynan bastap 3 elektr energııasymen jabdyqtaýshy uıymnyń elektrmen qamtý qyzmetiniń túpkilikti tarıfi 0,2 %-dan 0,8 % -ǵa deıin 1kVt/saǵatqa tómendeıtin bolady.

Tarıfterdi tómendetý boıynsha júrgizilgen jumystardyń nátıjesinde tutynýshylardyń únemdeıtin qarjysy shamamen 5,5 mlrd teńgeni qurady.