Qyzylordada qoly jylý batareıasyna qystyrylyp qalǵan bala qutqaryldy

QYZYLORDA. QazAqparat - Qyzylordada qoly jylý batareıasyna qystyrylyp qalǵan bala qutqaryldy, dep habarlaıdy QazAqparat tilshisi.

Oqys oqıǵa 23 jeltoqsanda oblys ortalyǵyndaǵy «Mereı» shaǵyn aýdanyndaǵy kópqabatty úıdiń birinde boldy. Bul jóninde Qyzylorda qalasy jedel qutqarý jasaǵyna saǵat 21.14-te habar kelip túsken.

«Jedel qutqarý jasaǵynan bes adam men bir tehnıka oqıǵa ornyna jetti. Mamandar jyldam áreket jasap jylý batareıasyna qolyn qystyryp alǵan jeti jastaǵy balany qutqarýǵa kúsh saldy. Balanyń qoly batareıadan aman-esen shyǵaryldy. Balanyń jaǵdaıy jaqsy. Ol jedel járdem qyzmetine tapsyryldy», - dedi Qyzylorda qalasy jedel qutqarý jasaǵy qutqarý bólimshesiniń basshysy Danyshbaı Esemuratov.

Esterińizge sala ketelik, budan buryn Qyzylorda oblysynda bir otbasy múshesi ysqa ýlanyp qaldy.