Qyzylordada qolóner sheberlerimen kezdesý ótti

QYZYLORDA. QazAqparat - Qyzylordada «Uly Dala eli» taqyrybynda qolóner sheberlerimen kezdesý ótti, dep habarlaıdy QazAqparat tilshisi.

Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» atty maqalasyn júzege asyrý boıynsha qolǵa alynyp otyr.

Kezdesý sharasy Qorqyt Ata atyndaǵy Qyzylorda memlekettik ýnıversıtetiniń Dástúrli óner ınstıtýty «Sándik qoldanbaly jáne beıneleý óneri» kafedrasynyń uıymdastyrýymen ótkizildi.

Іs-sharaǵa Dástúrli óner ınstıtýtynyń «Sándik qoldanbaly jáne beıneleý óneri» kafedrasynyń professor-oqytýshylar quramy, oblystyq «Rýhanı jańǵyrý» ortalyǵynyń bólim basshysy Álıma Ábdiqalyqova, QR qolónershiler Odaǵynyń músheleri Jánibek Mahanbet, kádesyı, aǵash sheberi Pahraddın Sadyqov Pahraddın Shámshiuly, biz keste, basqur, shashaq baý, taqyr, túkti kilem sheberi Baqytkúl Raıymbaeva, Myrzabek Qanybaev, kádesyı, súıek, múıiz, aǵash sheberi Murat Járimbetov qatysty.

Іs-shara barysynda kelgen qonaqtardyń qurmetine «Dástúrli mýzyka óneri» kafedrasynyń stýdentteri arnaý jyr-termelerin aıtty. Al joǵary oqý orny janyndaǵy «Dıdar» halyqtyq folklorlyq etnografııalyq ansambli jáne «Sándik qoldanbaly jáne beıneleý óneri» kafedrasynyń aǵa oqytýshy, pedagogıka ǵylymdarynyń magıstri A.T.Júnisova sán sherýin jasap shyǵarmashylyq jumystaryn kórsetti.

Budan buryn Qyzylordada mýzeıde jastarmen kezdesý ótkizildi.