Qyzylordada «Qolóner - asyl qazyna» kórme-festıvali ótti
Búgin oblys ákimi Gúlshara Ábdiqalyqova El Táýelsizdiginiń 30 jyldyǵy qarsańynda uıymdastyrylǵan «Qolóner - asyl qazyna» kórme-festıvaliniń ashylý rásimine qatysty.
Oblys ortalyǵyndaǵy temirjol saıabaǵynda uıymdastyrylǵan mádenı sharaǵa Qyzylorda qalasy men aýdandardan kelgen sheberler jınaldy.
Qolóner sheberleri kórermenderdiń nazaryna erekshe týyndylaryn usyndy.
Іs-sharada túrli kádesyı ónimderi, aǵash buıymdary, kıiz úı jabdyqtary, túkti kilemder, quraq kórpeler men ulttyq aspaptar kórsetilip, ustalardyń sheberlik synyptary ótkizildi.
Aımaq basshysy kórme-festıvalge qatysýshylardy quttyqtap, Syr eli ejelden tarıhı-mádenı muralar men kóne jádigerlerge baı óńir ekenin atap ótti.
«Biz qolónerimizdi damytý arqyly ulttyq rýhymyzdy kóteremiz, ulttyq kodymyzdy saqtaımyz. Memleket basshysy Qasym-Jomart Toqaev 2020 jylǵy 1 qyrkúıektegi Joldaýynda jastarymyzdyń qolóner jáne shyǵarmashylyqtyń bastapqy negizderimen tanysý maqsatynda «Balalar úıirmesi» qyzmetin qaıta qalpyna keltirýdi tapsyrǵan bolatyn. Bıyl óńirde 62 balalar úıirmesi ashylyp, onyń ishinde 6-y qolónerge baýlyp keledi. Aldaǵy ýaqytta bul balalar da sizder sekildi Syr óńiriniń kıeli ónerin dáripteıtin bolady», - dedi oblys ákimi.
Shara barysynda birqatar qolóner sheberleri oblys ákiminiń Alǵys hatymen marapattaldy.
Olardyń qatarynda qyzylordalyq «Qoloner» kádesyı dúkeniniń ıesi Aıda Kerimqulova, ulttyq buıymdar avtory Qarlyǵash Іlııasova, araldyq aǵash buıymdar ustasy Alnur Jarqynbaev, qazalylyq sheber Dınara Syzdyqova bar.
Sondaı-aq, mundaı qurmetke qarmaqshylyq tigin óner sheberi Baqytgúl Raıymbaeva, jalaǵashtyq ulttyq buıym jasaýshy Jylbek Qýanysh, syrdarııalyq túkti kilem toqýshy Roza Álıbatyrova, shıelilik kıiz úı jabdyqtaryn jasaýshy Maııa Qaljanova jáne jańaqorǵandyq ulttyq aspaptar shyǵarýshy Ospanhan Musaev ıe boldy.
Aıta keteıik, qyzylordalyq qolónershilerdiń buıymdary respýblıkalyq jáne halyqaralyq deńgeıdegi kórme, festıvalderde kórsetilip júr.
Eske salsaq, budan buryn Qyzylordada atom salasynyń úzdikteri marapattalǵan edi.
