Qyzylordada kólik júrgizý quqyǵynan aıyrylǵan júrgizýshi qylmystyq jaýapkershilikke tartyldy
Qyzylorda qalasy Polıtsııa basqarmasy patrýldik polıtsııasynyń qyzmetkerleri qala kósheleriniń birinde «Opel Vectra» markaly avtokóligin toqtatty. Tekserý barysynda kólik tizgindegen 36 jastaǵy oblys turǵyny ekeni anyqtaldy. Ol 2021 jyldyń mamyr aıynda kólikti masań kúıde basqarǵany úshin sot sheshimimen kólik júrgizý quqyǵynan ómir boıyna aıyrylǵan.
«Narkologııalyq dıspanserde jasalǵan saraptama qorytyndysyna sáıkes azamat orta dárejedegi masań kúıde bolǵandyǵy anyqtaldy. Atalǵan derek boıynsha QR Qylmystyq kodeksiniń 346-babynyń 1-bóligimen sotqa deıingi tergep-tekserý áreketteri júrgizilýde. Avtokólik aıyppul alańyna qoıylǵan. Kúdikti ýaqytsha ustaý ızolıatoryna qamaldy», - dep málim etti Qyzylorda qalalyq polıtsııa basqarmasynan.
Eske salsaq, budan buryn qyzylordalyq prokýrorlar balalar lagerlerinen kóptegen kemshilikti anyqtady.
