Qyzylordada kólik qaqqan júrginshi men onyń qyzy mert boldy

QYZYLORDA. QazAqparat - Qyzylorda qalasynda kólik qaǵyp ketken jaıaý júrginshi men onyń qyzy oqıǵa ornynda kóz jumdy, dep habarlaıdy QazAqparat tilshisi.

Bul keleńsiiz jaǵdaı Sultan Beıbarys kóshesi boıynda oryn aldy. Ajal qushqa adamdar júrginshiler jolaǵy joq jerden ótpek bolǵan.

«Atalǵan derek boıynsha QR Qylmystyq kodeksiniń 345-babynyń 4-bóligimen sotqa deıingi tergep-tekserý jumystary júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý jaǵdaıy kórsetilgen. QR Qylmystyq-protsestik kodeksiniń 201-babynyń talaptaryna sáıkes, sotqa deıingi tergep-tekserýdiń basqa derekteri jarııa etilýge jatpaıdy», - dep málim etti Qyzylorda oblystyq polıtsııa departamentiniń baspasóz qyzmeti.

Budan buryn Qyzylordadaǵy Qorqyt ata kóshesi boıynda adam qaǵyp, oqıǵa ornynan ketip qalǵan kólik ıesi izdestirilip jatqanyn habarlaǵan edik.