Qyzylordada kólik qaqqan jaıaý júrginshi oqıǵa ornynda kóz jumdy
Qyzylorda oblystyq polıtsııa departamenti baspasóz qyzmetiniń habarlaýynsha, atalmysh oqıǵa 10 maýsym kúni oryn alǵan. Nátıjesinde jaıaý júrginshi oqıǵa ornynda qaıtys boldy.
«Atalmysh oqıǵa saǵat 22.30 shamasynda oryn alǵan. Atalǵan derek boıynsha QR Qylmystyq kodeksiniń 345-baby 3-bóligimen sotqa deıingi tergep-tekserý amaldary júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda adam ólimine ákep soqqan is-áreket jaǵdaıy kórsetilgen. Tıisti saraptamalar taǵaıyndaldy», - dep málim etti Qyzylorda oblystyq polıtsııa departamentiniń baspasóz qyzmeti QazAqparat tilshisine.
Baspasóz qyzmeti Qazaqstan Respýblıkasy Qylmystyq-protsessýaldyq kodeksiniń 201-babynyń talaptaryna sáıkes, tergeýdiń basqa derekteri jarııa etilmeıtinin jetkizdi.
Budan buryn Qyzylordada kólik oqıǵasynan eki adam qaza bolǵanyn habarlaǵan edik.